ສປປ ລາວ ຍົກລະດັບຄວາມສາມາດວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ຜ່ານການຝຶກອົບຮົມການຂຽນບົດວິເຄາະຍຸດທະສາດ ໂດຍການຊ່ວຍເຫຼືອຈາກລັດຖະບານອົດສະຕຣາລີ

ຫຼັກສູດຝືກອົບຮົມໃນຄັ້ງນີ້ ມີເປົ້າໝາຍໃນການເສີມສ້າງຄວາມສາມາດຂອງຜູ້ເຂົ້າຮ່ວມໃນການກຳນົດບັນຫາຍຸດທະສາດ, ການປະເມີນ ແລະ ຄາດຄະເນຄວາມສ່ຽງ, ການຊອກຫາແຫຼ່ງຂໍ້ມູນ ແລະ ການນຳໃຊ້ຂໍ້ມູນທາງການເງິນ ເພື່ອປະກອບເຂົ້າໃນການຂຽນບົດວິເຄາະໃຫ້ມີປະສິດທິພາບ ສາມາດປະກອບສ່ວນສ້າງຄວາມເຂັ້ມແຂງຮອບດ້ານໃຫ້ແກ່ວຽກງານຕ້ານ ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໃຫ້ເປັນໜຶ່ງໃນເຄື່ອງມືຂອງລັດໃນການຮັກສາຄວາມສະຫງົບ ຄວາມເປັນລະບຽບຮຽບຮ້ອຍຂອງສັງຄົມ, ຊຸກຍູ້ການພັດທະນາເສດຖະກິດ-ສັງຄົມ ຂອງ ສປປ ລາວ ແບບຍືນຍົງ.